Xukuumadda Soomaaliya ayaa Sabtidii shalay waxa ay ku dhawaaqday in iyada oo kaashaneysa bulshada qeybaheeda Kala duwan ay ka jawaabayaan dhibaatada fatahaada Wabiga uu u geystay Shacabka Baladweyne.
Maanta oo Axad ah ayaa lafilayaa in ay magalada Baladweyne ee Xarunta gobolka Hiiraan ay gaaraan qaar ka mid guddigii ka koobnaa 22 xubnood oo ay shalay u magacaawday xukuumadda soomaaliya in wax laga qabto dhibaatada ka taagan Baladweyne.
Guddigaan ayaa waxaa guddomiye u ah ra’iisul wasaare ku xigeenka dalka Mahdi Maxamed Guuleed, waxaana guddigaan ay qiimeyn ku soo sameyn doonaan inta ay la egtahay dhibaatada ka jirta Baladweyne .
Garoonka diyaaradaha Baladweyne ayaa xiran kadib markii roobkii guga uu halkaasi ka da’ay waxaana suurtagal aheyn in diyaarad ay halkaasi ku degto marka laga reebo diyaaradaha Helacoptar-ka.
Inta badan Shacabka Baladweyne ayaa barakacay, iyaga oo aaday deegaanka Ceel jaale iyo degmooyin ka tirsan Gobolka Hiiraan si uusan waxyeelo ugu geysan fatahaada wabigaShabeelle.
