Qaraxyadaasi waxay saakayto ka dhaceen Dukaaman lagu iibiyo Qalabka Dayactirka Biraha Baabuurta oo dhex ku yaalla Suuqa saxmadda badan ee Al-sinaak ee Bartamaha magaalladda Baqdaad.
Sarkaal u hadlay Wasaaradda Arrimaha Gudaha ee dalkaasi ayaa sheegay in mid ka mid ah Qaraxyadaasi ahaa Is-qarxin, halka qaraxa labaad uu ka dhashay gaari laga soo buuxiyey waxyaabaha qarxa.
Ugu yaraan 21 qof ayaa ku geeriyootay, iyadoo 43-kalena ku dhaawacmeen qaraxyadaasi.
Ammaanka magaalladda Baqdaad waxaa la adkeeyey bishii October 17-dii, xilligaasi oo uu bilowday Hawlgalka Milliteri ee Maleeshiyadad Kooxda Daacish looga saarayo magaalladda Mosul ee Waqooyiga dalkaasi.
©Radio Dalsan
