Taliyaha Cusub ee Ciidanka xoogga dalka Soomaaliyeed qeybta 60-aad ayaa gelinkii dambe maanta gaaray Magaalada Baydhabo ee xaruunta Gobolka Baay, iyadoo halkaas lagu soo dhaweeyay.
Wafdiga taliyaha ayaa waxaa qeyb ka ahaa sarakiil ka tirsan ciidanka Xooga dalka oo ugu horeeyo General Madoobe oo ah Madaxa howlgalinta Ciidanka Xoogga dalka Soomaaliyed iyo Saraakiil kale.
Garoonka Diyaaradaha Baydhabo ayaa waxaa kusoo dhaweyay Abaanduulaha Ciidanka Xoogga Dalka Soomaaliyeed qeybta 60-aad iyo saraakiil ka tirsan ciidanka Xooga Dalka iyo mas’uliyiin kale oo ka tirsan Dowlad Goboleedka Koonfur Galbeed.
General Maxamed Sheekh Abdullahi Taliyaha Cusub ee ciidanka xoogga dalka soomaaliyeed qeybta 60-aad ayaa ka mahadceliyay soo dhaweynta wanaagsan loo sameeyay.
Gen. Madoobe Madax Howlgalinta Ciidanka Xoogga dalka Soomaaliyeed oo wafdiga hogaaminaayay ayaa sheegay in Ujeedka Safarkooda ay tahay in lala shaqeeyo taliyaha cusub ee ciidanka xogga dalka soomaaliyeed qeybta 60-aad.
