Magaalada Dhuusamareeb ee Caasimadda Maamulka Galmudug ayaa waxaa gaaray wafdi ka socday Ciidanka midowga Afrika ee AMISOM oo uu hoggaaminayay Afaraad ee AMISOM Col. Cabdiraxmaan Riyaale Xareed.
Taliyaha iyo wafdiga la socday ayaa kulan gaar ah la qaatay Taliyaha Ciidanka Xoogga qeybta 21-aad Cabdicaiis Cabdullaahi Qooje iyo Saraakiil kale, waxaana kulankaas looga hadlay amniag Galmudug.
Kulankan ayaa sidoo kale diirada lagu saarey howlgalada Al-shabaab looga xoraynayo deegaanada Galmudug ay kaga sugan yihiin, waxaana Taliska 21-aad uu Ciidanka Jabuuti uga mahadceliyay doorka ay ku leeyihiin howlaha socda.
Sidoo kale Taliska Ciidanka qeybta 21-aad iyo Saraakiisha AMISOM ayaa isla eegay sida ugu haboon ee howlgalada loo balaarin karayo, si Al-shabaab looga saaro deegaanada ay gacanta ku haatan wax ka badan 10-sanno.
Ciidanka Xoogga ayaa maalmo kahor Al-shabaab kala wareegay deegaano ka tirsan Gobolka Galgaduud, waxaana weli Ciidanka ay wadaan dhaq-dhaqaayo ciidan oo ay ku doonataan inay kula wareegaan deegaano kale.
