Boliska dalkaasi ayaa sheegay inay rumeysan yihiin in Eedeysanihii maskaxda u ahaa dilka wiilkaasi uu geeeriyooday, xilli ay Boliska qarka u saarneeyeen inay soo xiraan, soona maxkamadeeyaan.
Eedeysanaha geeriyooday ayaa loo haystay geeridii Wiilkaa yar ee la oran jirey Yuusuf C/waxiid Warsame, kaasi oo bishii Augsut 22-dii ee sannadkii hore u geeriyooday bam-gacmeed lagu weeraray dhismo ku yaalla magaaladda Gotehrnburg ee dalka Sweden.
Wiilka Yar oo 8 jir ahaa ayaa ka yimid magaalladda Brimingham ee dalka Britain, wuxuuna la joogay qaar ka mid ah Ehelkiisa oo ku sugan Sweden.
Boliska Sweden ayaa u sheegay Wargeyska Aftonbladet ee ka soo baxa Sweden ayaa sheegay inuu dilkaasi qeyb ka yahay weeraradda u dhexeeya Kooxo Gangestaro Somali oo iska soo horjeeda.
Waxay kaloo sheegeen in la aqoonsaday Eedeysanaha ugu weyn ee lagu xiriirinayo dilka wiilka yar.
Baaraha hoggaaminayey Kiiskaasi, Robert Karlsson ayaa sheegay in Eedeysanaha uu Dhibane u noqday Dembi rabshad ah, lana dilay ka hor intaysan gacanta ku dhigin.
Dacwad-baare kale oo lagu magacaabo Stina Lundqvist ayaasheegay inay hayaan caddaymo ka dhan ah Eedeysanaha la dilay oo aan magaciisa la shaacinin, kaasi oo loo hayey caddaymo ku filan si loo soo xiro, loona soo maxkamadeeyo.
Dhinaca kale, cunuga yar ee la dlay, Yuusuf C/waxiid Warsame waxa uu ku dhashay magaalladda Birmingham, wuxuuna wax ka baran jirey Dugsiga Mandela Primary School oo ku yaalla Degmadda Sparkhill ee dalka Britain.
©Radio Dalsan
