Guddiga ka hortaga iyo xakamaynta fayruska Corona u qaabilsan deegaanada maamulka Somaliland ayaa maanta shaaciyay kiisas cusub oo la xiriira cudurkaa oo adduunka dhibaato ba’an ku haya.
Qoraal ay soo saareen guddiga COVID 19 ayay ku sheegeen in 24-kii saac ee lasoo dhaafay baaritaano lagu sameeyay 75 ruux hase’ahaatee xanuunkaan laga helay 28-qof 21 ka mid ah ayaa joga magaalada Hargeysa halka Boorama 6 qof laga helay iyo hal qof oo jooga Magaalada Gibileeysida guddigu ay shaaciyeen.
Tirada guud ee dadka laga helay cudurka covid 19 ee deegaanada maamulka Somaliland ayaa ah 332 Ruux 43 Qof ay ka bogsatay iyada oo 22 Ruux ay u geeriyoodeen,guddiga ayaana faray dadka in weli ay ka fogaadaan goobaha la iskugu tao.
