Shan nin oo Somali ah ayaa la soo taagay Maxkamadda Old Bailey ee magaalladda London, iyadoo lagu so ooogay inay si xun u dooxeen Nin aan magaciisa la sheegin, balse 29-jir ah.
Raggaasi ayaa la sheegay inay Dhibanaha in ka badan 15 jeer Tooreey kaga dhufteen meel ku dhow Wadnaha, Sambabka iyo Beerka.
Qoraal ka soo baxay Boliska ayaa lagu caddeeyey  inay Eedeysanahayaasha si wadajir ah u dooxeen Dhibanaha abaarihii 01:30 duhurnimo ee bishii June 14-dii ee sannadkii hore.
Qoraalka waxaa lagu xusay inuu Dhibanaha xilligaasi booqanayey Suuq-weyne ku yaalla Degmadda Feltham, waxayan Eedeysanayaasha la dhaceen feer iyo Tooreey, ka hor inta aysan ku baxsanin gaari u taagnaa goobta ay falkaasi ka geysteen.
Eedeysanayaasha lagu soo oogay Fal-dembiyeedkaas waxaa magacyadooda lagu kala sheegay Maxamed Muxamed oo 21-jir ah, Zakariya Ibrahim oo 19-jir ah, Sacad Shariif oo 19-jir ah, Hanad Maxamed oo 19-jir ah iyo C/wahaab Maxamed oo 26-jir ah, ahna Dareewalkii waday gaariga ay Eedeysanayaasha ku baxsadeen.
Maxkamadda Old Bailey waxay Eedeysanayaasha ku heshay Fal-dembiyeedka lagu soo oogay, balse weli kuma dhawaaqin Xukunnadda ay muteysan doonaan Shanta Eedeysane ee Soomaalida ah.
©Radio Dalsan         Â
           Â
