Siyaasiyiin iyo Odayaal lagasii daayay Xabsi ku yalla Boosaaso kadib xaalad adag oo soo wajahday

Wararka Warbaahinta dalsan ee magaalaa Muqdisho ay ka helayso magaalada Boosaaso ee xarunta gobolka Bari ayaa ku waramaya  in maamulka  Puntland ay xabsiga weyn ee Boosaaso ka sii daysay siyaasiga Muuse Cali jaamac iyo dhowr oday oo la xirnaa.

Ilo lagu kalsoonaan kari ayaa Warbaahinta u xaqiijiyay, in Isniintii lasoo dhaafay xabsiga laga sii daayay Dr. Muuse Cali Jaamac iyo Nabaddoon Diraac Yuusuf Buuxe, kadib markii ay soo wajahday xaalad caafimaad oo aad u daran daaweyna ay u bahdeen.

bishaan January 5-teedii 2020 ayay  maxkamadda derejada kowaad ee gobolka Bari ee Puntland ayay saddex bilood oo xabsiya iyo ganaax lacageed oo dhan $500  oo Dollar waxay ku riday Siyaasi Muuse Cali Jaamac, Nabadoon Diraac Yuusuf Buuxe iyo Nabadoon Cawad  Aadan Maxamed.

Sidoo kale, maxkamadda ayaa laba  sano oo xabsiya iyo ganaax lacageed oo $1,000 Dollar, waxay  ku ridday Nabadoon Cabdicasiis Bayadhabo iyo Nabadoon Maxamuud Aadan Rooble. Saddexda xukmane ee kala ah Nabadoon Cawad  Aadan Maxamed Nabadoon Cabdicasiis Bayadhabo iyo Nabadoon Maxamuud Aadan Rooble ayaa weli ku xiran xabsiga weyn ee Boosaaso.

Comments
Loading...