Shil qasaare badan dhaliyey,ayaa ka dhacay inta u dhaxaysa magaalada Sheekh iyo Burco, Alle ha u naxariistee waxa shil baabuur ku geeriyooday Goolhaye Cabdishakuur Boqolle oo ka tirsanaa kooxda Wasaaradda Maaliyadda Hargeysa.
Sidoo kale waxaa shilkan ku geeriyoodey Cabdiraxmaan Yaasiin Cali Gadhle,labadan dhalinyaradda ah ayaa waxa ay ahayeen dhalinyaro door weyn ka qaata horumarinta ciyaaraha Soomaaliland.
Soomaaliland sanadkan gudihiisa,waxaa shil baabuur ku geeriyoodey ku dhawaad 10 dhalinyaro ah,Geesta kale Wasiirka Wasaaradda Arimaha Gudaha Soomaaliland, ahna Gudoomiyaha Xisbiga talada haya ee Kulmiye,Maxamed Kaahin Axmed wuxuu Tacsi u dirayaa Ehelkii, Asxaabtii iyo Qoyskii ay ka geeryoodeen labada Marxuum ee kala ah Cabdiraxmaan Yaasiin Cali Gadhle iyo Cabdishakuur Dalab Dhookir oo maanta ku geeryooday Shil Gaadhi.
Wasiirku wuxuu labada marxuum Eebe uga baryayaa in uu Janatul-fardawsa ka waraabiyo, denbigoodana dhaafo, Ehelkii, Asxaabtii iyo Qoyskii ay ka geeryoodeena samir iyo iimaan Eebe ka siiyo. AMIIN AMIIIN.
