Sida uu qoray Wargeyska Dailymirror ee ka soo baxa dalka Sri Lanka waxaa socda qorshe 12 Shaqaale u dhashay dalkaasi oo muran dhinaca Shaqada ugu xayiran Maamulka Somaliland dib loogu soo celin lahaa dalkooda hooyo.
Hadal-qoraal oo ka soo baxay Wasaaradda Arrimaha Dibedda ee dalka Sri Lanka ayaa lagu sheegay inay Shaqaalahaasi Muhaajiriinta ah ku goรขโฌโขdoonsan yihiin Somaliland oo sheegata inay ka goรขโฌโขday dalka Jamhuuriyadda Somalia.
Wasaaraddu waxay sheegtay inay dib u soo celinta รย Shaqaalahaasi ay isku duwayso Safaaradda Sri Lanka ku leedahay magaalladda Addis Abeba ee dalka Ethiopia, iyadoo taageero ka helaysa Hayรขโฌโขadda Caalamiga ee Muhaajiriinta รย (The International Organization for Migration (IOM).
รขโฌล Safaaradda Sri Lanka ee magaalladda Addis Abeba waxay kala shaqeynaysaa Xafiiska Hayรขโฌโขadda Caalamiga ee Muhaajiriinta (IOM) ee magaalladda Hargeysa oo soo faragelisay wada-xaajood lala leeyahay Loo-shaqeeyaha ay Muwaadiniinta Sri Lanka u shaqeyn jireen, si loo xaliyo muranka dhinaca Shaqada iyo in la hubiyo sii-dayntooda iyo Tas-hiilaadka sidii ay iyagoo nabad ah ugu soo laaban lahaayeen dalkooda hooyoรขโฌย ayaa lagu yiri Qoraalka ka soo baxay Wasaaradda Arrimaha Dibedda ee dalka Sri Lanka.
Qoraalka waxaa kaloo lagu sheegay inaysan Dowladda Sri Lanka wax xiriir Diplomaasiyadeed la lahayn Somaliland iyo Qunsuliyad u joogta midnaba.dhinaca kale, Dowladda Sri Lanka waxay ku bogaadisay Hayรขโฌโขadda IOM doorka ay ka ciyaartay Taageerida Dowladda iyo Dadka Sri Lanka, khaas ahaan dhacdooyin badan oo arrintan oo kale ah.
Ugu dambeyntii, Wasaaradda Arrimaha Dibedda ee dalka Sri Lanka waxay ku boorisay dhamaan Muwaadiniintooda inay ka taxadiraan inay ka shaqeeyaan Xuduudaha Khatarta oo aysan Sri Lanka ku lahayn Deganaansho Diplomaasiyadeed iyo Qunsulliyad midnaba.
