Wasiirka Wasaaradda Waxbarashada Hiddaha iyo Tacliinta Sare Xukuumadda Federaalka Soomaaliya Cabdullaahi Goodax Barre iyo wafdi uu hogaaminayo ayaa gaaray Magaalada Muscat ee dalka Cumaan.
Wasiir Goodax ayaa waxaa Garoonka diyaaradaha Muscat International Airport kusoo dhaweeyay Mas’uuliyiinta Safaaradda Soomaaliya ee dalka Cuman iyo Madax ka tirsan dalkaas.
Wasiirka Wasaaradda Waxbarashada Hiddaha iyo Tacliinta Sare Xukuumadda Federaalka Soomaaliya ayaa dalka Cuman uga qeyb galaya shirka Mena Innovation oo ay qeyb ka yihiin Wasiirada Waxbarashada iyo Tacliinta Sare ee dalalka Carabta.
Sidoo kale inta halkaas ku sugan yahay Wasiir Cabdullaahi Goodax Barre ayaa waxaa uu kulamo kala la qaadan doonaa Madaxda ka qeyb galeysa shirka Mena Innovation iyo Mas’uuliyiin kale.