Taliyaha Ciidanka Xoogga Dalka Soomaaliya General Daahir Aadan Cilmi Indhaqarshe ayaa Maanta Xarunta Safaarada Turkiga ay ku leedahay Magaalada Muqdisho kula kulmay Safiirka Dowlada Turkiga u jooga Soomaaliya Danjire Olgan Bekar iyo ku xigeenkiisa Cali kan Aksooy.
Kulanka labada dhinac dhexmaray ayaa waxaa ka qeyb galay Xubno ka socda militariga Turkiga,waxaana looga hadlay Sidii turkiga ay u xoojin lahayeen tababarada iyo qalabeynta Ciidamada Xoogga Dalka.
Taliyaha Ciidanka Xoogga Dalka Soomaaliya General Daahir Aadan Cilmi Indhaqarshe ayaa waxa uu dowlada kala hadlay sidii uga Soomaaliya uga taageeri lahaa  dhanka Tababarada,Qalabeynta Ciidamada xoogga dalka Soomaaliya.
Sidoo kale taliyaha Ciidanka ayaa dowlada turkiga uga mahad celiyay sida wanaagsan ay markasto u garab taagan tahay dhismaha Ciidamada xoogga dalka Soomaaliya.
