Wafdi uu hoggaaminayo Agaasimaha Guud ee Hay’adda Socdaalka Jinsiyadaha Soomaaliya Col. Maxamed Adam Koofi oo maalmahaan ku sugnaa dalka Switzerland ayaa kulamo la qaatey masuuliyiinta Laanta Socdaalka, Booliiska iyo wasaaradda arimaha dibadda Switzerland.
Kulamada ayaa looga hadley iskaashi ay labada dal ka yeeshaan arimaha socdaalka iyo is-dhaafsiga khibradaha.
Wafdiga ayaa sidoo kale booqasho aqoon kororsi ah ku tagey xaruumaha Laanta Socdaalka, Xaruunta Xaqiijinta Dukumentiyada Safarka, Taliska Booliiska, Wasaaradda Arimaha Dibadda iyo Garoonka Diyaaradaha Geneve.
Agaasimaha Guud iyo wifdigiisa ayaa sidoo kale kulan la qaatey masuuliyiin ka tirsan Ergada Soomaaliya u jooga dalka Switzerland.
