Madaxweynaha Dowlad Goboleedka Koonfur Galbeed Soomaaliya oo maalmahaan ku sugnaa degmada Baraawe ee Gobolka Shabeellaha Hoose ayaa kulan gaar ah la qaatay Saraakiisha Ciidamada AMISOM ee ku sugan degmadaas.
Kulanka ayaa waxaa goobjoog ka ahaa Gudoomiyaha Gobolka Shabeellaha Hoose Ibraahim Cali Aadan Najax iyo masuuliyiin kale,waxaana intiisa badan looga hadlay xoojinta Amniga iyo La Shaqeynta Hey’adaha Ammaanka sida uu sheegay Gudoomiyaha Gobolka Shabeellaha Hoose.
“Waxaan Kulan Gaar ah La Qaadanay Saraakisha Amisom Ee Ku Sugan Barawe Oo Aan Kala Hadalnay Xoojinta Amniga Iyo La Shaqeynta Hey’ada Amaanka..Inta Aan Ku Suganahay Caasimada Baraawe Waxaa Sii Joogteyn Doona Kulamada Aan La leeyahay Bulshada Qeybahooda Kala Duwan.
Ugu Dambeyn Shariif Xasan Sheekh Aadan Madaxweynaha Dowlad Goboleedka Koonfur Galbeed Soomaaliya ayaa Gelinkii dambe ee Maanta waxa uu soo gaba gabeeyay booqashadii uu ku joogay Baraawe isaga oo u ambabaxay Magaalada Baydhabo.
