Magaalada Gaalkacyo ee Xarunta Gobolka Mudug ayaa waxaa la filayaa in gelinkii dambe ee Maanta uu gaaro Ra’iisul Wasaaraha Xukuumadda Federaalka Soomaaliya Xasan Cali Kheyre iyo wafdi uu hogaaminayo.
Ra’iisul Wasaare Kheyre iyo wafdiga la socda ayaa safar dhanka dhulka ku tegaya Gaalkacyo,iyagoo ka soo ambabaxay Magaalaxa Cadaado ,halkaasi uu gaaray,isla markaana Odayaasha Cadaado ay diideen inay la kulmaan Ra’iisul Wasaaraha.
Magaalada Gaalkacyo ayaa waxaa gaaray wafdi horudhac u ah Safarka Ra’iisul Wasaaraha,waxaana la filayaa in saacadaha soo socda uu gaaro halkaasi.
Qabanqaabada Soo dhoweynta Ra’iisul Wasaaraha Xukuumadda Soomaaliya ayaa haatan waxaa ay ka socotaa Magaalada Gaalkacyo,iyadoo dadweyne farabadan ay kusii qul-qulayaan Garoonka kubbadda Cagta Cabdullaahi Ciise oo loo diyaariyay in Xasan Cali Kheyre shacabka Magaalada uu kula hadlo.
Ammaanka guud ee Gaalkacyo ayaa maanta si weyn looga adkeeyay,waxaana sugida amniga iska kaashanaya Ciidamada maamulka Galmudug iyo kuwa dowladda Soomaaliya.
