Madaxweynaha Dowlad Goboleedka Jubbaland Axmed Maxamed Islaam oo ku sugan Magalada Garoowe ayaa hoyga uu ka degan yahay Magaaladaas ku qaabilay Ambassador Fulgencio Garrido oo ah ku xigeenka wakiilka Midowga Yurub u qaabilsan Soomaaliya.
Kulankaas ayaa lagaga wada hadlay Kaalmada Midowga Yurub uu siiyo Soomaaliya iyo mashariicda ay ka wadaan qaybo kamid ah Jubbaland sidii loo dardar galin lahaa kuwo Cusubna loo bilaabi lahaa waxaa kale oo Madaxdu ay ka wada hadleen Arimaha Siyaasada wadanka iyo dagaalka ka dhanka ah Al-Shabaab Dowlad Goboleedka Jubbaland ay dhawaan bilowday dagaal ka dhan ah Al-Shabaab deeganada maamulkaas.
Madaxweynaha ayaa inta uu ku sugan yahay Garowe waxaa uu kulamo kala duwan la qaatay Masuuliyiin kala duwan oo kasocda Beesha caalamka iyo Ururada daneeya Arimaha soomaaliya.
