Sawirro:-Golaha Wasiirada Jubbaland oo ansixiyay Magacaabistii Xeer ilaaliyaha & Gudoomiyaha Maxkamada

Madaxweynaha Dowlad Goboleedka Jubbaland ee Soomaaliya Mudane Axmed Maxamed Islaam ayaa maanta shir gudoomiyay kulanka caadiga ah ee golaha Wasiirada.

Madaxweynaha ayaa golaha uga warbixiyay ahmiyada shirkii amniga ee dhawaan Xamar lagu qabtay isagoo hoosta ka xariiqay in ay ahayd talaabo dhinaca hore loo qaaday.

Dhinaca kale shirka golaha waxaa lagu meel mariyay Magacaabida Madaxweynaha ee Gudoomiyaha Maxkamada Sare iyo Xeer ilaaliyaha guud kuwaas oo Madaxweynahu uu dhawaan Magacaabay.

Golahu wuxuu warbixin la xiriirta xaaladaha amaanka ka dhagaystay Wasiirka Amniga Mudane Cabdirashiid Janan isagoo faahfaahiyay howlgaladii ugu danbeeyay ee Ciidamada qalabka sida.

Madaxweyne ku xigeenka Jubbaland Mudane Maxamuud sayid aadan ayaa golaha uga warbixiyay shir lagaga hadlayay sidii loo xorayn lahaa deeganada Jubbaland ee ay wali ku sugan yihiin Al-Shabaab isagoo sheegay in lagu balamay in waxyabahii la isku raacay ficil loo badalo.

Golahu wuxuu isku raacay in dood dheeri ah laga yeesho dhibaatada ay bacaha ku hayaan deeganada Jubbaland iyadoo kulamada danbe ka doodista arintan lagu soo gaba gabayn doono.

Hoos Ka Daawo kulanka Golaha Wasiirada Jubbaland.

About Bilan Media

Bilan is Somalia’s first ever all-women media team. Staffed and run entirely by women with full editorial independence, the unit covers hard news and in-depth features, holding leaders to account and making sure the media represents all citizens, men and women, weak and powerful, rich and poor.

View all posts by Bilan Media