Ciidamada Badda dowlad goboleedka Puntland qeybta loogu magacdaray la dagaalanka waxa loogu yeero Argagaxisada ayaa waxa ay howlgallo ka sameeyeen deegaano ku yaalla Dhulka Buuraleyda ah ee Gobolka Bari.
Howlgalka ayaa ciidamada waxa ay sigaar ah uga sameeyeen deegaannada Bali-khadar, Sugurre, Qahabta iyo degaanada ku dhow dhow,waxaana saraakiisha ciidamada hogaamineysa ay sheegeen in uu yahay howlgalkaas mid amniga lagu xaqiijinayo.
Saraakiisha ayaa sidoo kale waxa ay sheegeen in heegan buuxa la geliyey ciidamada Badda Puntland qeybtooda la- dagaalanka argagaxisada kadib markii tiro ka dhowr jeer miinooyin ay ku waxyeeloobeen Ciidamo ka tirsan Puntland iyo dad Shacab ah wadada la geliyey.
Taliyaha Ciidanka Badda Puntland S/guuto: Cabdirisaaq Diiriye ayaa sheegay in ay u diyaar garoobeen howlgal ka dhan ah Al-Shabaab iyo kooxda Daacish,oo qeybo ka mid ah dhulka Buuraleyda ah ku dhuumaaleysanaya sida uu hadalka u dhigay.
Taliyuhu masheegin in howlgalkaas intii ay wadeen ay dad ku soo qabteyn,waxana jirta in weli ciidamadu ay howlgalka wadaan laakin aan wax faah faahin ah laga bixin.
Hoos Ka Daawo sawirrada howlgalka Ciidamada Badda Puntland.
