Madaxweyne ku-xigeenka Dowlad Goboleedka HirShabeelle Cali Cabdullaahi Xuseen (Cali Guudlaawe) ayaa Xarunta Madaxtooyada Hirshabeelle ee Magaalada Jowhar kulan kula qaatay Saraakiisha Sar Sare ee Ciidamada AMISOM Sector-kooda 5aad.
Kulanka u dhexeeyay Cali Guudlaawe iyo Saraakiisha Sar Sare ee Ciidamada AMISOM ayaa waxaa looga hadlay arrimo kala duwan,isla markaana waxaa kamid ahaa howlgalada Ciidamada ay ka wadaan deegaanada Hirshabeelle.
Sidoo kale Kulanka ayaa waxaa labada dhinac ay uga wada hadleen sidii Howlgal Qorsheysan oo mid ah loogu qaadi lahaa Dagaalamayaasha Al-shabaab ee ku sugan deegaano ka tirsan dowlad Goboleedka Hirshabeelle.
Ammaanka guud ee Magaalada Jowhar ee Caasimadda maamulka Hirshabeelle ayaa Maanta aad loo adkeeyay,waxaana inta uu kulankaas socday la xiray Wadooyinka soo gala iyo kuwa kabaxa Xarunta Madaxtooyada Hirshabeelle.
