Banaanbaxan ayaa waxaa Maanta uu ka dhacay  Xaafada Siliga ameerikaanka ee degmada wadajir,waxaana banaanbaxa dhigayay qaar ka mid ah Shacabka ku nool Xaafadaas.
Dadka banaanbaxa dhigayay ayaa ka soo horjeeda howlo bur burin ah oo Maamulka Gobolka Banaadir uu ka sameeyey Goobo sisharcidaro ah loo dhisay oo ku yaalla Xaafada Silliga ameerikaanka ee degmada wadajir.
Banaanbaxayaasha ayaa gebi ahaanba xirtay Wadada Jid Cakaaro ilaa Silliga,iyaga oo Taayaro ku gubayay Wadada,sida ay Dalsan u sheegeen dad ku sugnaa goobta uu banaanbaxa ka dhacay.
Maalin ka hor ayaa waxaa Xaafada Silliga Ameerikaanka howlgaloo burburin ah ka sameeyay Ciidamo ka tirsan kuwa Booliska Soomaaliya,waxana howlgalkaas uu sababay inay dagaalamaan Ciidamada Booliska iyo rag hubeysan oo ka soo horjeeday bur burinta.
Howlgalkaas burburinta ah oo sababay dhimasho iyo dhaawac ayaa waxaa si kala gooni gooni uga hadlay Wasiirka Amniga Soomaaliya iyo Xildhibaano ka tirsan Golaha Shacabka Soomaaliya.
Hoos Ka Daawo Sawirada Banaanbaxa.
