Khubarada ku takhasusutay baaritaanka haraagga Qaddiimiga ee Israel waxay Khamiistii la soo dhaafay sheegeen inay heleen Haraaga dhismo Masjid aan caadi ahayn oo la dhisay 1,200 sanno ka hor.
Masjidkaasi ayaa la sheegay in laga soo fagay dhulka hoostiisa, waxayna Khubarada tilmaameen inuu yahay mid ka mid ah Masaajidda ugu da’da qeyn Masaajidda ku taalla Caalamka.
Haraagga Masjidkaasi waxaa la sheegay in lagu helay Fursad, xilli ay socotay diyaarinta dhismao cusub oo laga dhisi lahaa Degmadda Rahat ee ay deggan yihiin dadka Reer Baadiyaha ee Bedawiinta Falastiin ee Lama-degaanka Negev ee Koonfurta Israel.
Khabiir lagu magacaabo Gideon Avni oo ku takhasusay Taariikhdii hore ee Islaamka ayaa sheegay inuu Masjidka la helay ka mid yahay Masaajidii ugu horreysay ee Taariikhda, markii ay doonta Islaamka soo gaartay dhulka Israel, waa sida uu hadalka u dhigay.
Qodista dhulka laga helay haraagga Masjidka Qadiimiga ayaa la sheegay inay heleen dhallinyaro ka soo jeeda Dadka Reer Baadiyaha ee Bedewiinta Deegaanka, Carabta iyo kuwo Yuhuudi ah.
Meesha laga helay Masjidkaai ayaa ahaa dhul furan, waxaana laga helay Masjid u dhisnaa qaab 4-gees lahaa, waxaana dhanak Koonfureed laga helay Mixraab ku wajahnaa ama ku toosnaa Jihadda Kacbadda Braakaysan ee Maka Al-mukarama.
Si kastaba ha ahaatee, Masjidka laga helay Koonfurta Israel ayaa u muuqda in la dhisay 1,200 sanno ka hor ama midkooda Qarnigii 7-aad iyo 8-aad ee Dhalashadii Nebi Ciise ka hor.
