680-Qaxooti Somali ah ayaa ka soo ambabaxay Xeradda Qaxootiga Dhadhaab ee W/bari Kenya, kuwaasi oo ku soo jeeda dalka hooyo.
Hadal ka soo baxay Hay’adda QM ugu qaabilsan Arrimaha Qxootiga (UNHCR) ayaa sheegtay inay Qaxootiga ku soo jeeda Muqdisho lagu soo qaaday Diyaarad u kireysan QM, halka Qaxootiga kale Basas lagu geyn doono Degmadda Dhoobley oo aan ka fogeyn Xuduudka.
Qorshaha Qaxootigaasi lagu soo daad-gureynayo ayaa qeyb ah Barnaamijka Qaxootiga iskooda u go’aansada inay ku soo laabtaan dalkooda Hooyo.
Dib-u-soo-laabashadooda ayaa ku soo beegmayso, iyadoo inta badan Qaxootiga ku jiraya Xeradda Dhadhaab dib ugu soo laabanayaan gudaha Somalia sababo la xiriira Hay’adda UNHCR oo yareysay raashinkii la siin jirey Qaxootiga iyo xiriira xaalladda nolosha Xeradda oo sii xumaanayso.
©Radio Dalsan
