Hadal ka soo baxay Boliska ayaa lagu sheegay inay Dukumenti uu ku qoran yahay magaca Anis A. ka heleen kursiga Dareewalka gaarigii 12-ka qof ku dilay Suuq ku yaalla magaalladda Berlin.
Wargeyska maalinlaha ee BILD ayaa qoray inay Boliska yaqaaneen ninkaasi oo 24-jir ah khatar ahaa, waxaana laga digay inuu hubeysan yahay.
Wargeyska Der Spiegel ayaa qoray inNinka la baadi-goobayo la sheegay inuu isticmaalo labo magac oo kala ah Anis A iyo Ahmed A.
Warbaahinta Jarmalka ayaa qoray in Ninkaasi fasax uu ku joogi karo Jarmalka la siiyey bishii April ee la soo dhaafay, iyadoo ay Hay’addaha Ammaanka ilaalo ku hayeen.
Dhinaca kale, Wasiirka Arrimaha Gudaha ee Dowlad-gobaleedka Bavarian ee dalka Jarmalka, ayaa u sheegay Idaacadda Jarmalka inay jirto khatar weyn ee Weeraradda Islaamiyiinta oo ay u sabab tahay Qaxootiga soo galay dalkaasi.
©Radio Dalsan
