Sida laga soo xigtay Hay’adaha Nelson Mandela Foundation iyo The Obama Foundation, waxa uu Madaxweynihii hore ee Maraykanka booqasho ku tegi doona Kenya bisha soo socota ee July 16, halkii horey loogu sheegay inuu booqashadiisa dhici doonto bartamaha bishan June.
Barack Obama waxa lagu wadaa inuu socdaal hal maalin ah ku tago Kenya, wuxuuna Madaxweynaha Kenya, Uhuru Kenyatta kula kulmi doonaa Aqalka Dowladda ee magaalladda Nairobi.
Waxaa kaloo la hadal hayaa inuu la kulmi doono Siyaasiyiinta Isbahaysiga Mucaaradka Kenya
Barack Obama oo ahaa Madaxweynihii 44-aad ee Maraykanka waxa kale oo uu booqan doona Degmadda uu asal ahaan ka soo jeedo ee K’Ogelo, si uu ula kulmo Qaraabadiisa.
Dhinaca kale, Barack Obama waxa uu u sii gudbi doonaa dalka Koonfur Afrika, isagoo khudbad ka jeedin doona Kulan-sannadeedka 16-aad ee Nelson Mondela oo lagu qaban doono magaalladda Johannesburg.
Casahar jeedintiisa ayaa dhici doonta bisha July 17-da, hal maalin ka hor Maalinta Calaamiga ee (Nelson Mandela International Day) oo lagu qaban doono Barxadda The Ellis Park Arena ee Johannesburg.
Obama waxa uu ka hadli doona waxa ay ka dhigan tahay 100-guuradii ka soo wareegtay Dhalashadii Nelson Mondela, oo isaga da’da 95-jir ku geeriyooday sannadkii 2013-kii
Wargeyska New York Times ayaa qortay inay Hay’adda Obama Foundation ku casuumi doono 200 oo dhallinyaro ah magaalladda Johannesburg bartamaha bisha July tababaro Farsamo iyo Kulan-shaqo ( workshops and technical training).