Ra’iisul Wasaaraha Jamhuuriyadda Federaalka Soomaaliya Xasan Cali Kheyre ayaa kulan la qaatay Guddiga Qaran ee Dhab-u-heshiisiinta iyo Wadahadallada Dowladda Federaalka iyo Soomaaliland.
Warar la helayo ayaa waxaa ay sheegayaan in kulanka dhexmaray Ra’iisul Wasaare Kheyre iyo Guddiga looga hadlay sidii loo sii amba qaadi lahaa Wadahadallada Dowladda Federaalka iyo Somaliland iyo Arrimo kale oo aan xog laga helin.
Kulanka oo ka dhacay Xarunta Madaxtooyadda Soomaaliya ayaa Xasan Cali Kheyre waxaa ku wehlinayay Guddoomiyaha Golaha Shacabka Maxamed Mursal Sheekh Cabdiraxmaan.
Xafiisyada warbaahinta u qaabilsan labada Mas’uul faah faahin rasmi ah laga bixi kulankaas Mas’uuliyiinta ay la qaateen Guddiga Qaran ee Dhab-u-heshiisiinta iyo Wadahadallada Somalia iyo Somaliland.
Si kastaba Dalka Jabuuti ayaa waxaa lagu wadaa in Maalinta Berri uu shir uga furmo Madaxweynaha Soomaaliya Maxamed Cabdullaahi Farmaajo iyo Madaxweynaha Somaliland Muuse Biixi Cabdi.
Qoraal kasoo baxay Xafiiska Madaxweynaha Jabuuti Ismaaciil Cumar Geelle ayaa waxaa lagu xaqiijiyay in berri uu kulan sii doono labada Madaxweyne, kulanka ayaa lagu Casuumay Ra’iisul Wasaaraha Itoobiya Abiy Axmed.