Ra’iisul Wasaaraha Jamhuuriyadda Federaalka Soomaaliya Xasan Cali Khayre ayaa guddoomiyay Shirka joogtada ah ee Guddiga Qaran ee xakameynta Cudurka Coronavirus oo kiisas farabadan laga helay gudaha dalka.
Inta uu socday kulanka Guddiga Qaran ee COVID-19 ayaa waxaa looga hadlay sidii looga hortegi lahaa faafitaanka Cudurka oo sameeyn ballaaran yeeshay, isla markaana ay dad badan u geeriyoodeen.
Kulankaas oo ahaa mid Mareegta Internet-ka ah ayaa waxaa ka qeyb ahaa Wasiirrada caafimaadka ee dowlad gobaleedyada xubnaha ka ah dowladda federaalka iyo Mas’uuliyiinta Guddiga Qaran ee Cudurkaas.
Ra’iisul Wasaare Xasan Cali Kheyre ayaa Wasiirada Caafimaadka maamul Goboleedyada kula dardar gelinta wacyi gelinta bulshada iyo ballaarinta awoodda dowlad gobaleedyada ee xakameynta faafitaanka Cudurka COVID-19.
Tirada xaaladaha COVID-19 ee xaaladaha COVID-19 ee dalka laga diiwaan gelisay ayaa gaartay 835 waxaa bogsootay 75 Ruux. 38 ruux oo kale ayaa u geeriyooday.
