Ra’iisul Wasaare ku-xigeenkii hore ee Soomaaliya Maxamed Cumar Carte Qaalib oo iska casilay xubinimadii Baarlamaanka Federaalka ayaa waxaa la sheegay inuu dib ugu laaban doono Magaalada Hargeysa ee Caasimadda Somaliland.
Sababta keentay in Maxamed Carte iska Casilo xubinimadii Baarlamaanka dalka  ayaa waxaa lagu sheegay inay tahay, kadib markii uu Go’aan ku gaaray inuu tego Hargeysa oo uu ku xanuunsanyo Aabihiis Cumar Carte Qaalib, uuna doonayo inuu soo arko.
Dhinaca kale Madaxweynaha Somaliland Muuse Biixi Cabdi ayaa shaaciyay inuu cafiyay Ra’iisul Wasaare ku-xigeenkii hore ee Soomaaliya, kadib markii labada dhinac uu dhex-maray wada-haddalo.
Qoraal kasoo baxay Xafiiska Madaxweyne Muuse Biixi ayaa waxaa lagu sheegay in Madaxweynaha uu cafis u fidiyay Maxamed Cumar Carte, isla markaana uu tixgeliyay Codka uga yimid oo ah inuu Aabihiis oo caan ka ah Somaliland uu xauunsanyahay.
Sidoo kale Qoraalka Madaxweyne Muuse Biixi Cabdi ayaa waxaa lagu xusay in Maxamed Cumar Carte uu ka laabtay fikirkii hore oo looga jeedo inuu iska Casilay xubinimadii Baarlamaanka Federaalka Soomaaliya.
Xisbiyada Mucaaradka Somaliland ayaa dhankooda uga digay in Ra’iisul Wasaare ku-xigeenkii hore ee dalka inuu tego Magaalada Hargeysa, iyagoona tegitaankiisa Caasimadda Somaliland shuruud uga dhigay ka tanaasulka fikirka midnimadda Soomaaliya.
Hoos ka Akhiso Qoraalka kasoo baxay Madaxweyne Muuse Biixi.
