Qoorqoor oo saxiixay sharciyo dhowr ah oo Barlamaanka Galmudug ansixiyay

Madaxweynaha dowlad Goboleedka Galmudug Axmed Cabdi Kaariye Qoorqoor ayaa saxiixay sharciyo dhowr ah oo Baarlamaanka labaad ee Maamulkaas dhawaan ansixiyay, kuwaasi oo la horgeeyay.

Munaasabad ballaaran oo Caawa ka dhacday Xarunta Madaxtooyada Magaalada Dhuusamareeb ayuu Madaxweyne Qoorqoor ku saxiixay sharciyada oo dhowr ah, waxaana kamid ah:

1-Shariga Maarreynta Deegaanka

2-Sharciga Hay’adaha

3-Sharciga Dhismaha Booliiska iyo

4-Sharciga Dowalaha Hoose

Shuruucdan waxaa soo gudbiyay wasaaradaha kala ah; Deegaanka, Qorsheynta, Amniga, iyo wasaaradda Arrimaha Gudaha& Dowlaha hoose.

Munaasabadda saxiixa waxaa kasoo qeybgalay Madaxweyne Ku-xigeenka DGM, Guddoomiyaha Barlamaanka, Guddiyada joogtada ah ee Barlamaanka, xubno ka tirsan labadda gole, Garsoorka, La- taliyeyaal & Hawlwadeenno ka tirsan Madadaxtooyada.

Madaxweynuhu wuxuu Golaha Barlamaanka Galmudug uga mahadceliyey ansixinta shuruucdan. isagoona xusay in shuruucdu ay gundhig u noqondoonaan in sifo sharci ah xukuumaddu u fuliso hawlaha hortebinta leh ee loo igmaday.

Comments
Loading...