QM oo la filayo inay Liiska Madow ku daraan Isbahaysiga Sacuudiga

Qoraal qabyo ah oo ay aragtay Wakaalladda Wararka REUTERSÂ ayaa muujinaya in lagu xusay in Isbahaysiga Milliteriga ee ay Sacuudiga hoggaamiyaan lagu dari karo Liiska Madow ee QM ee lagu qoro Dalalka tacadiyada geysta.

Isbahaysiga Sacuudiga ayaa lagu eedeeyeey inay dad rayid oo ay ku jiraan carruur ku dileen dalka Yemen.

Warbixinta ayaa lagu xusay in duqeynta Isbahaysiga Sacuudiga lagu dilay 883 carruur ah, isla markaana la beegsaday duqeymo loo geystay Dugsiyo iyo Isbirtaalo sannadkii la soo dhaafay.

Qoraalka Qabyada ee QM waxaa kaloo Liiska Madow lagu daray Kooxda Xuutiyiinta, Maleeshiyadda taageersan Dowladda Yemen iyo kuwa Kooxda Alqaacidada Gacanka Carbeed, kuwaasi oo la sheegay inay tacadiyo u geysteen carruurta ku nool Yemen sannadihii 2015-kii iyo 2016-kii.

Warbixinta Qabyo Qoraalka ayaa la filayaa inuu ansixiyo Xoghayaha Guud ee QM, Antonio Guterres, iyadoo ay Golaha Ammaanka ee QM lagu wado inay bishan October 31-dii ka doodaan Warbixintaasi.

Radio Dalsan

Radio Station

Radio Dalsan was established in April 2012 in Mogadishu, Somalia with FM frequency 91.5MHz . The radio is registered with the federal ministry of information in Somalia. Dalsan is an independent and autonomous FM Radio station. The radio broadcasts for 18 hours in Somalia and also the Radio is on satellite broadcasting to Africa and Asia.