Xoghayaha Guud ee Qaramada Midoobey Antonio Gutterres ayaa Soomaaliya u soo magacaabay wakiil cusub oo bedelaya danjire Nicholas Haysom,kaasi oo dalka laga Eryay.
James Swan ayaa loo soo magacaabay in uu noqdo Ergeyga cusub ee Qaramada Midoobey u qaabilsan arrimaha Soomaaliya.
Nicholas Haysom oo ahaa Ergaygii Qaramada u joogay Soomaliya ayaa dowladda dalka ka eryiday, kaddib markii uu su’aallo ka keenay dad rayid ah oo lagu dilay magaalada Baydhabo oo Xarun KMG u ah maamulka Koonfur Galbeed Soomaaliya intii lagu jiray doorashadii maamulka Koonfur galbeed.
Sidoo kale Mr James Swan ayaa mar soo noqday Safiirka Mareykanka u fadhiyay dalalka Jabuuti iyo DRC, sidoo kale waxaa uu soo noqday Kuxigeenka Kaaliyaha Xoghayaha Arrimaha dibadda Mareykanka u qaabilsan Afrika,isla markaana waxaa uu jiraa 56 sanno.
