Wararka aan saakay ka heleyno degmada Balcad ee gobolka Shabeellaha Dhexe ayaa waxa ay sheegayaan in gaari ay la socdeen ciidamo ka tirsan kuwa dowladda Soomaaliya qarax lagula eegtay duleedka degmada Balcad ee gobolkaasi Shabeellaha dhexe.
Ciidamada ayaa waxaa qaraxa lala eegtay xili ay marayeen meel ku dhaw Deegaanka loo yaqaano isgoys oo aan ka fogeen degmada Balcad.
Qof ka mid ah dadka ku nool degmada Balcad ayaa Dalsan u xaqiijiyay in ciidamada ay wateen gaari kuwa dagaalka ah qaraxa nooca miinada dhulka aaso ah loo dhigay gaari Cabdi bile ah o ay wateen Ciidamo ka tirsan kuwa maamulka degmada Balcad.
Sidoo kale waxaa la sheegay in qaraxaasi ka dib Gawaari kale oo gurmad ahaan halkaasi u aaday Wadada loo galay islamarkaana daagal kooban uu halkaasi ka dhacay.
Ilaa 1 askari oo ahaa Darawalka Gaariga Cabdi Bilaha ahaa ayaa la xaqiijiyay in uu geeriyooday kaas oo Magaciisa lagu sheegay(Cismaan Haash) halka dhaawacuna uu ku dhaw yahay ilaa 6 Askari.
Xaaalda degmada Balcad ayaa haatan ah mid kacsan iyadoona Balcad laga dareemayo saameynta uu reebay qaraxa.
