Qaar ka tirsan Saraakiishii Afgembigii Fashilmay ee  Turkiga oo lagu qabtay Giriiga.

Dowladda Giriiga ayaa sheegtay inay dadkaasi oo watay Diyaarad Helikopter ay codsadeen Magangelyo Siyaasadeed.

Diyaaradaasi oo nooceedu ahaa Black Hawk Helicopter ayaa waxay duhurnimadii ku degatay Garoon ku yaalla magaalladda Aleskandarupo , kadib markii uu Duuliyihii Diyaaradaasi  soo dirsaday Fariin Qeylo-dhaan ah.

Telefishinka dalka Giriiga ee ERT TV ayaa shaaciyey in 7 ka mid ah dadka la socday diyaaradda ay  wateen Labiska Ciiddamada, lana rumeysan yahay inay qeyb ka ahaayeen Ciiddankii ku lugta lahaa Afgembigii Fashilmay ee xalay ka dhacay dalka Turkiga.

Dhinaca kale, Wakaalladda Wararka Athens ayaa sheegtay in Saraakiisha Turkiga ee soo galay Giriigga ay darajadoodu kala ahayd Gaashaanlayaal, Kabtano iyo Saddex Aliflayaal iyo qof rayid ahaa.

Turkish helicopter1

©Radio Dalsan

About Radio Dalsan Reporter

View all posts by Radio Dalsan Reporter