Telefishinka FUJI TV ee dalka Koonfurta Kuurya ayaa baahiyey Muuqaal muujinaya qaabkii Kim Jong-nam loogu dilay Garoonka Diyaaradaha ee caasimadda dalka Malaysia ee Kuala Lampur.
Muuqaalka ayaa waxaa laga dheehan karaa labo haween oo wax u muuqday sun oo ay Wejiga kaga shubtay Kim Jong-nam oo isaga u sii gudbayey Qeybta Dhoofitaanka ee Garoonka.
Waxaa kaloo Muuqaalka la baahiyey ka mid ahaa iyadoo uu Kim Jong-nam ka codsanayo Boliska inay u soo gurmadaan, waxaana loola cararay Rug Caafimaad oo ku taalla Garoonka, oo uu ugu dambayntii ku geeriyooday.
Dhinaca kale, Boliska Malaysia waxay weli baadi-goobayaan 4 nin oo u dhalatay Waqooyiga kuurya, kuwaasi oo Malaysia ka dhoofay isla markii la dilay ninka ay isku aabaha yihiin Hoggaamiyaha Waqooyiga Kuurya.
3 ka mid ah Eedeysanayaasha ayaa la sheegay inay raaceen Duullimaadka Diyaarad ka timid Caasimadda dalka Indonesia ee Jakarta, kuna sii jeeday magaalladda Dubai ee dalka Imaaraadka.
Wargeyska Malaysia’s Star ayaa qoray inay Eedeysanayaashaasi dib ugu laabteen dalkooda Hooyo.
Horey waxay Boliska Malaysia u xireen Nin u dhashay Waqooyiga KuuryaLabo Haween oo u kala dhalatay Indonesia iyo Vietnam iyo Nin u dhashay Malaysia, kuwaasi oo lala xiriirinayo dilkaasi.
CCTV Footage Shows Deadly Assault On North Korean Leader’s Half .
©Radio Dalsan
