Muxuu ka yiri Madaxweyne Lafta-gareen Cudurka Coronavirus?

Madaxweynaha dowlad Goboleedka Koonfur Galbeed Soomaaliya Cabdicasiis Xasan Maxamed (Lafta Gareen) oo maanta shir Jaraaâ€™id Warbaahinta ugu qabtay Mgaalada Baydhabo ee xarunta Gobolka Baay ayaa ka hadlay arrimo ku aadan cudurka halista badan ee Coronavirus.

Lafta Gareen ayaa ugu horreyn fariin dardaaran ah u diray dadka Soomaaliyeed, gaar ahaan reer Koonfur Galbeed, isagoo ka dalbaday inay muujiyaan taxadar iyo feejignaan dheeri ah.

Sidoo kale wuxuu ugu baaqay shacabka Soomaaliyeed inay mideeyaan cududdooda iyo awooddooda, una istaagaan sidii ay dalkooda uga samata-bixin lahaayeen duruufaha caafimaad ee caabuqa COVID19 oo haatan kiisaskiisa laga helay magaalada caasimadda ah ee Muqdisho.

Ugu dambeyn wuxuu sheegay in maamulkiisa uu wada qorshe guud oo looga hortagayo cudurkaan, islamarkaana ay laba jibaari doonaan, si loola dagaalamo caabuqa Corona.

Radio Dalsan

Radio Station

Radio Dalsan was established in April 2012 in Mogadishu, Somalia with FM frequency 91.5MHz . The radio is registered with the federal ministry of information in Somalia. Dalsan is an independent and autonomous FM Radio station. The radio broadcasts for 18 hours in Somalia and also the Radio is on satellite broadcasting to Africa and Asia.