Muwaadin Soomaali oo lagu dilay Toogasho ka dhacday dalka Kanada

Marxuum C/fataax Osman “Upti” oo 31-jir ah ayaa lagu dilay Toogasho ka dhacday caasimadda dalka Kanada ee Ottawa, halka haweeney kale oo Somali oo 23-jir  lagu dhaawacay toogashadaasi.

Boliska Kanada ayaa sheegay inay Dembiilihii geystay Toogashadaasi ka baadi-goobayaan guud ahaan dalka Kanada, waxayna soo bandhigeen magaciisa iyo sawirkiisa.

Eedeysanaha oo Nin Madow ah waxaa magaciisa lagu sheegay Tristan Campbell, oo 34-jir ah.

Toogashadda lagu dilay, laguna dhaawacay  Muwaadiniinta Soomaalida ayaa la sheegay inuu habeenkii Axadda ee isbuucan ka dhacay Koonfurta magaalladda Ottawa.

Dhinaca kale, Marxuum C/fataax Osman“Upti” oo ahaa Aabe 2-carruur leh ayaa la sheegay in Madaxa laga toogtay, halka Haweeneyda iyadana laga toogtay Caloosha lagu daaweynayo Ibsitaalka.

Si kastaba ha ahaatee, Toogashaddaasi ayaa ah tii 3-aad ee isbuucan ka dhacda dalka Kanada, iyadoo 14 Somali ah lagu dilay dalkaasi sannadkan 2018-ka.

About Bilan Media

Bilan is Somalia’s first ever all-women media team. Staffed and run entirely by women with full editorial independence, the unit covers hard news and in-depth features, holding leaders to account and making sure the media represents all citizens, men and women, weak and powerful, rich and poor.

View all posts by Bilan Media