Mashquulkii iyo Saxmaddii ugu ballaarnayd ayaa waxaa laga dareemayaa Hotelka Jazeera Palace Hotel oo ku yaalla meel aan ka fogeyn Garoonka Diyaaradaha Aadan Cadde ee magaalladdan Muqdisho.
Ku-dhawaad 100-Xildhibaan ayaa waxay caawa casho wada-sheekeysi la leeyihiin Saddexda Murashax Madaxweyne ee kala ah Sheekh Shariif Sh.Axmed, Maxamed C/llaahi Farmaajo iyo C/qaadir Cosoble Cali.
Xubnaha Murashixiintaasi ugu qaabilsan Ololaha Doorashadda iyo  Taageerayaashooda ayaa iyagana dadaal ugu jira inay Xildhibaanadda ku qanciyaan xodxodasho iyo Ballan-qaadyo kale.
Dhaqdhaqaaqa caawa ka socda Hotelka Jazeera Palace ayaana lagu tilmaamay inuu yahay kii ugu ballaarnaa ee Murashixiinta iyo Xildhibaanadda isku arkaan, tan iyo markii la bilaabay Ololaha Doorashadda.
Siyaasiyiin u muuqda Dulaaliin ayaa Murashixiinta iyo Xildhibaanadda u kala dab-qaadayo iyo Gorgortanka dhinaca Codadka, si ay  Xildhibaanadda codadkooda u hibeeyaan Murashaxa ay taageersan yihiin ee ay Is-fahamka gaareen.
23-Murashax Madaxweyne ayaa la filayaa inay bishan February 8-da oo ku beegan maalinta Arbacadda ee soo socota.ku kala baxaan Doorashadda Madaxweynaha 9-aad ee JFS.
Si kastaba ha ahaatee, Caawa Hotelka Jazeera ayey ka shidan tahay, waxayna Murashixiinta Sheekh Shariif, Farmaajo iyo Cosoble muujinayaan inay xeellad kasta ku kasbadaan codadka Xildhibaanadda ugu badan Xildhibaanadda codeyn doonta.
©Radio Dalsan
