Magaalada Dhuusamareeb ee Xarunta Maamul Goboleedka Galmudug ayaa Xalay lagu qabtay Munaasabadda 1 Luuliyo oo si weyn loo soo agaasimay.
Madaxweynaha Dowlad Goboleedka Goboleedka Galmudug Axmed Cabdi Kaariye (Qoor-qoor), ayaa kaga qayb galay Munaasabadda, waxaana sidoo kale qayb ka ahaa Masuuliyiin kale oo ka tirsan Maamulka Galmudug iyo dowladda Federaalka Soomaalaiya.
Munaasabadda oo ka dhacday Xarunta Madaxtooyada xuska Munaasabadda 1-da Luulyo ayaa lagu xusayay 64 sano guurada xornimada Gobollada Koonfureed iyo midowga ama Israacii Labadii Gobol ee Waqooyi iyo Koonfur ee Jamhuuriyadda Soomaaliya.
Xildhibaanno, Wasiiro, saraakiil ciidan, Maamulka Caasimada Dhusamareeb, Odayaasha Dhaqanka, Haween, Dhalinyaro, Abwaano, Fanaaniin iyo marti sharaf kale ayaa ka hadlay munaasadda.
Xuska Maalmaha Xorriyadda ayaa maalmahaan si weyn looga dareemay Magaalooyinka waa weyn ee dalka oo ay ugu horreyso magaalada Caasimadda ah ee Muqdisho, taasi oo xalay si weyn looga dareemay dabaldegga maalinta qiimaha badan ee 1 Luuliyo, waxaana xalay ka qayb galay Madaxweynaha Jamhuuriyadda Federaalka Soomaaliya Mudane Xasan Sheekh Maxamuud iyo Masuuliyiin kale.
