Maxkamadda derajada koowaad ee Ciidamada qalabka ayaa u fariisatay dhageysiga dacwad loo haysto sedex askari oo ku eedeysan dilka marxuum Shaafici Xaaji, Diiriye kaasi oo lagu dilay Magaalada Dhuusamareeb ee Caasimadda dowlad Goboleedka Galmudug.
Guddoomiyaha Maxkamada derajada koowaad ee Ciidamada qalabka sida Xasan Cali Nuur Shuute ayaa la filayaa inuu maanta ku dhawaaqo xukunka lagu ridi doono sedexda eedeysane ee loo haysto kiiska dilka ahaa ee marxuum Shaafici Xaaji Diiriye
Dhegaysiga kiiska ayaa waxaa goobjoog ka ah senator Dhagay oo ka mid ahaa golaha aqalka sare ee Baarlamaanka, islamarkaana askarta dilka geysatay ay ahaayeen ilaaladiisa
Dhawaan ayay aheyd markii ciidamo ilaalo u ahaa Senator Dhagey ay magaalada Dhuusamareeb ku dileen Shaafici Xaaji Diiriye, kaasi oo ka mid ahaa dhalin yarada ugu fir fircoon ee magaalada Dhuusamareeb.
