Waraka aan ka heleyno Magaalada Hargeysa ayaa waxaa ay sheegayaan in Caawa halkaas lagu xiray Afhayeenka iyo Xoghayihii Guud ee Xisbiga Waddani ee Somaliland.
Ciidanka Booliska Somaliland ayaa xabsi ku yaalla Hargeysa ku xiray Khadar Xuseen Cabdi oo ahaa Xoghayihii iyo Barkhad Jaamac Batuun oo isna ah Afhayeenka Xisbiga Waddani
Afhayeenka Xisbiga ayaa warbaahinta la hadlay kahor inta aan xabsiga loo taxaabin, isagoona sheegay in Xukuumadda Madaxweyne Muuse Biixi ay Ciidamo geysay Xarunta Xisbiga Waddani ee Hargeysa.
Sidoo kale Guddoomiyaha Xisbiga waddani Cabdiraxaan Cirro ayaa Maanta taageerayaasha xisbigiisa ugu baaqay in berri ay isugu soo baxaan banaanbax ballaaran.
Si kastaba Taliyaha Ciidanka Booliska Somaliland ayaa sheegay in Hargeysan uusan ka dhici doonin banaanbaxa uu ku baaqay Guddoomiye C/raxmaan Cirro, isla markaana ay ka hortegi doonaan tallaabadaas.