Waaxda Arrimaha Dibedda Maraykanka ugu qaabilsan Barnaamijka Abaalmarinta Caddaalada ayaa shaacisay inay 7 million oo Dollar siin doonaan ciddii keenta Xog ku saabsan halka uu ku sugan yahay Hoggaamiyaha Ururka Alqaaciada Maqrib ee Waooyiga Afrika, Abu Cubaydah Yuusuf Al-Canaabi oo u dhashay dalka Algeria.
Abu Cubaydah Yuusuf Al-Canaabi waxaa xilka Hoggaaminta Alqacidada Waqooyiga Afrika loo doortay sanadkii hore, kadib, markii Hoggaamiyihii ka horeeyey oo lagu magacaabi jirey Abdelmalek Droukdel oo u dhashay dalka Algeria lagu dilay Hawlgal ay Ciiddamo Faransiis ah ka fuliyeen gudaha dalka Mali.
Maraykanka waxay horey Abu Cubaydah Yuusuf Al-Canaabi ugu soo rogeen Cunqabatayno sanadkii 2015-kii.
Sidoo kale, QM waxay Hoggaamiyahaasi ku soo rogeen Cunaqabatayn sanadkii 2016-kii.
