Xoghayaha Difaaca ee Maraykanka, Mayk Bombeeyo ayaa hadalkaasi sheegay, kadib, markii uu Khadka Telefoonka kula hadlay dhigiisa dalka Turkiga, Mefluut Kafusoglu.
Bombeeyo uu sheegay inay ka wada hadleen Xiriirka labada dal, Arrimaha Syria, Wada-xaajoodka u socda Turkiga iyo Dagaalamayaasha Kurdishka ee YPG ee uu Maraykanku taageero iyo Muwaadiniinta Maraykanka ee ku xiran Turkiga.
Waxa uu intaasi ku daray in Ergayga Maraykanka ugu qaabilsan Arrimaha dalka Syria, Jiim Jeferi isbuucan u socdaalay W/bari ee dalka Syria, lana filayo inuu sida ugu dhaqsaha badan ku gaaro Caasimadda Turkiga ee Ankara, si uu Madaxda dalkaasi ugala soo xaajoodo dardar-gelinta dadaalka siyaasadeed ee QM ee lagu doonayo in xal looga gaaro dagaalka 8-da sanno ka socda dalka Syria.
