Wasiirka Caafimaadka Turkiga oo maanta ku soo wajahan Muqdisho iyo qeybtii ugu horreysay Dadkii ku dhaawacmay Qarixii Soobe oo la qaadayo

Wasiirka Caafimadka ee Turkiga, Ahmed Demirkaan iyo Wafdi uu hoggaminayo ayaa la filayaa inay maanta soo gaaraan magaalladda Muqdisho, si ay Taageero ugu muujiyaan DFS iyo sidii loo dardar-gelin lahaa daad-gureynta dadkii ku dhaawacmay Qarixii Isgoyska Zoople loogu qaadi lahaa Turkiga, si loogu soo daaweeyo.

50 ka mid ah dadkii dhaawacmay ayaa la filayaa in masanta loo daad-gureeyey dalka Turkiga.

Wasiirka Caafimadka ee Turkiga, Ahmed Demirkaan waxa u qorsheysan inuu lmaanta la kulmo Madaxweynaha DFS, Maxamed C/llaahi Farmaajo, si uu ugu gudbiyo Tacsida Masiibadaasi iyo inuu DFS u muujiyo Taageeradda joogtadda ee Dowladda iyo Shacbiga Turkiga la garab taagan yihiin Dowladda iyo Shacabka Soomaaliyeed.

Dhinaca kale, gelinkii dambe ee shalay, waxaa Garoonka Diyaaradaha Aadan Cadde soo caga-dhigatay Diyaarad nooca Ambalaasta oo laga leeyahay Turkiga, taasi oo ay la socdeen Koox Dhakhaatiir iyo Qalabka Caafimaadka.

2 ka mid ah Dhakhaatiirta ku takhasustay Qaliinka, mid u qaabilsan Jajabka Lafaha iyo 2 u qaabilsan Qaliinka Balaastikada (Plastic Surgeons) ayaa ka mid ahaa Dhakhaatiirta Turkish-ka ee soo gaaray Muqdisho.