Kulan ay ku yeesheen Magaalada Cadaado ee Xarunta KMG,ka ah ee Maamulka Galmudug Xildhibaanadii sheegay in ay xilkii ka qaadeen Axmed Ducaale Geelle Xaaf Madaxweynaha Galmudug ayaa waxa ay marka hore ku doorteen Guddoonka Guddiga doorashada Madaxweynaha Galmudug.
Kulankaan kii ka horeeyay ayaa waxa ay ku Magacaabeen Gudiga doorashada kaas oo ka kooban 13 Xubnood, waxaana intaasi kadib ay shaaciyen waqtiga ay dhaceyso doorashada Madaxweynaha Galmudug oo ay ku sheegeen 25 Bishaan Octoober.
Axmed Yuusuf Ciyoow oo xildhibaanada ay u doorteen Gudoomiyaha KMG,ka ah kadib markii ay sheegeen in Gudooomiyahodii xabsi guri laga dhigay ayaa Wareysi uu siiyay radio Dalsan ku sheegay in Gudiga doorashada ay iyaga howshooda qabsan doonaan isla markaana aysan jirin cid ka hor istaagi karta.
Sidoo kale waxaa wax laga weeydiiyay Warqad ka soo baxday Maxkamada Sare ee Galmudug taas oo loogu yeerayay Gudoomiyaha Baarlamaanka iyo Madaxweyne ku xigeenka iyo Xildhibaano uu isaga ka mid yahay ayaa waxa uu ku jawaabay.
“horta anaga ma ansixin sharicigii Garsoorka mana lihin Maxkamada Sare baarlamaankana lama horkeenin balse waxaa jirtay in madaxweynihii hore ee iscasilay Ruux uu Magacaabay markii uu nahorkeenayn aan diidnay marka hadii uu gudoomiye Maxkamadeed jiro Madaxweyne Xaaf markii la doortay ayuu dhaarin lahaa balse waxaa dhaariyay gudoomiye Cali Gacal Casir ayuu yiri xildhibaanka”
Hoos Ka Dhageyso Wareysiga oo dhamestiran ee Xildhibaan Axmed Yuusuf Ciyoow.
