Xubnaha Aqalka Sare ee baarlamaanka Soomaaliya ayaa Muqdisho ku yeeshay kala-fadhigoodii labaad kulankiisi 9,aad waxaana ajandaha uu ahaa ansixinta iyo dhaarinta xubin ka tirsan Guddiga Madaxa Banaan ee xaduudaha iyo Federaalka kaas oo loo dhaariyay Zakariye Xuseen Cusmaan.
Sidoo kale Golaha Aqalka Sare ayaa wax ay ka doodeen dhacdooyinka dagaalkii deegaanka Xeraale duqeyntii jilib iyo dhacdadii deegaanka Bariire ee dadka Shacabka ahaa lagu dilay.
Wax ay Goluhu ka codsadeen gudiyada arrimaha Gudaha difaaca iyo amniga in ay warbixin rasmi ah ka keenaan dhacdooyinkaas,iyaga oo Goluhu ka tacsidayeeyay dadkii ku geeriyooday dhacdooyinkii kala duwanaa ee dalka ka dhacay.
Guddiga ayaa sidoo kale laga codsaday,in sida ugu dhaqsiyaha badan uu ku soo gudbiyo warbixinada ku aadan dhacdooyinka Dagaalkii Xeraale , duqeyntii Jilib iyo werarkii deegaanka Xeraale.
Ugu dambeyn Golaha Aqalka Sare ayaa galaya fasax dhanka ciida ah,iyada oo la isku oo laaban doono wixii ka dambeeyay 10 bisha soo socota ee Secember.
Guddoomiyaha Guddiga difaaca baarlamaanka Aqalka Sare ayaa sharaxaya waxyaabihii looga hadlay kulanka oo dhamestiran
