Dhageyso:-Wasaarada Amniga oo faah faahisay Qaraxii ka dhacay Xarunta Degmada Wadajir

Wasaarada Amniga Soomaaliya ayaa faah faahin Guud ka bixisay qaraxii ismiidaaminta ahaa ee maanta Duhurkii lagu qaaday Xarunta Maamulka Degmada Wadajir ee Gobolkaan Banaadir.

Afhayeenka Wasaarada Amniga Axmed Maxamuud Maxamed (Sayid Carab) oo Saxaafada la hadlayay ayaa waxa uu ku eedeeyay in qaraxaasi in ay ka dabeeyaan Cadawga Shacabka Soomaaliyeed ee Al-Shabaab sida uu hadalka u dhigay.

Isagoo ka hadlayay khasaaraha ka dhashay qaraxaas ayaa waxa uu sheegay in ay ku geeriyoodeen ilaa in ka badan 10 ruux halka 9 qof oo kale ay ku dhaawacmeen ku waas oo haatan lagu dabiibayo qaar ka mid ah Isbitaalada ku yaalla magaalada Muqdisho.

Xaalada goobtii uu qaraxa ka dhacay ayaa lagu soo waramayaa in ay haatan tahay mid Caadi ah basle ay si aad ah u burburtay xarunta maamulka degmada Wadajir islamarkaana ay ku sugan yihiin dad Eheladooda oo ka maqan baadi goobaya.

Hoos Ka Dhageyso Codka