Ururka Naafada ku nool deegaanka Ceel-Cadde ee Gobolka Shabeellaha dhexe ayaa waxa ay ka cabanayaan musuq maasuq iyo jirdil loo geestay qaar ka mid ah Naafada halkaasi ku nool halka qaarkood ay sheegen in Xabsiga loo taxaabay.
Xasan Khaliif foodeey Gudoomiyaha Ururka Naafada deegaanka Ceel-Cadde ee Gobolka Shabeellaha Dhexe oo la soo xiriiray Idaacadda Dalsan Xarunta muqdisho ayaa sheegay in mid ka mid ah Gudoomiye Waaxeedyada deegaanka Ceel-Cadde uu u geestay jirdil islamarkaana uu Xabsiga u taxaabay kadib markii ay u doonteen Gargaar halkaasi la keenay uu doonayay in uu marin habaabiyo sida uu hadalka u dhigay.
Waxaa kaloo uu hadalkiisa intaas ku daray in Gudoomiye Waaxeedka laga soo magacaabay degmada Balcad dhawaan uu dhibaato ku hayo Naafada ku nool deegaanka Ceel-Cadde islamarkaana ay soo adeejinayaan qaar ka mid ah masuuliyiinta deegaanka Ceel-Cadde oo horay u bartay in ay wixii la keeno musuq maasuqaan sida uu hadalka u dhigay.
Ugu dambeen waxa uu ugu baaqay Madaxda Sare ee dalka iyo maamulka hir-Shabeelle in ay rintaan wax ka qabtaan iyo musuq maasuqa lagu hayo Gargaarka loogu talo galay.
Hoos Ka Dhageyso Codka
