Taliska Booliiska Maamulka Puntland ayaa sheegay in inta badan dadka Maxaabiista ah ee ku xiran Xabsiyadda kala duwan ee puntland ay xiligaan heysan daryeel wanaagsan,maadaama ay yihiin kuwo xaquuq leh.
Taliyaha Ciidanka booliiska Puntland Cabduqaadir Shire Faarax Ereg ayaa sheegay in dhowr Saldhig uu booqday ay ku xiran yihiin dad farabadan kuwaas,oo iyada oo aan la soo taagin wax Maxkamad ah iska xiran sida uu hadalka u dhigay.
Sidoo kale waxa uu sheegay in inta badan dadkaasi uu xirtay taliyaha la dagaalanka waxa loogu yeero Argagaxisada Janaraal Muxudiin,isla markaana aysan jirin ilaa iyo hada cid cadeysay dambiyadooda.
Waxa uu sheegay in Xabsiyadaas ay booqdeen Hay’addo k socda dhanka Xaquuqda Aadanaha,islamarkaana ay soo arkeen dhibaatada heysata dadka Maxabiista ah,markii aan u gudbiyay Madaxda sare ee Puntland aysan waxba ka qaban.
Hoos Ka Dhageyso Codka Taliye Ereg