Dhageyso:-Madaxweyne Farmaajo,oo booqan doona Xarumaha Maamul goboleedyada

Madaxweynaha Jamhuuriyada Federaalka Soomaaliya Maxamed Cabdulaahi(Farmaajo) oo weli ku sugan Magaalada Kismaayo ayaa ka hadlay qorshooyinka kale ee u degsan Maalmaha soo socda si uu u dardar geliyo xiriirka dowladda kala dhaxeeyo Maamul Goboleedyada

Mudane Farmaajo,ayaa sheegay in Safarka uu hada ku joogo Kismaayo uu hordhac u yahay Safaro kale uu maalmaha na soo aadan uu ku tegi doono deegaanada Maamul Goboleedyada Galmudug,Puntland Koonfur Galbeed iyo Hir-Shabeelle.

Sidoo kale Madaxweyne Farmaajo,ayaa soo hadal qaaday in Boqolki Maalmood e la soo dhaafay ay wax badan qabteen islamarkaana ay Bilaha iyo Sanadaha soo socda qaban doonaan wax Shacabka tusa ififaalo Nabadeed sida uu hadalka u dhigay.

Madaxweyne Farmaajo,ayaa mudo laba cesho ah ku sugan Magaalada Kismaayo isagoo kulamo la qaatay Madaxda Maamulka Jubbaland iyo Bulshada qeybaheeda kala duwan.

Hoos Ka Dhageyso Codka Madaxweynaha