Dhageyso:-Maamulka Puntland oo xoog ku siidaayay Maxaabiis u xirneyd Soomaaliland

Maamulka Puntland ayaa faah faahin ka bixiyey dagaal xalay saqdhii dhexe bilaawday oo u dhaxeeyey Ciidamada Maamulada Puntland iyo Soomaaliland.

Dagaalka ayaa waxa uu ka dhacay  Magalada laas-caanood oo ay ciidamada Puntland weerareen,sida uu sheegay guddoomiyaha Gobolka Sool Puntland Abuubakar Cabdi Geele.

Guddoomiyaha waxa uu sidoo kale  sheegay in Ciidamada Puntland ay qabsadeen laba Saldhig oo fariisin u aheyd Ciidamada Soomaliland,isla markaana ay ka siidaayeen maxaabiis u xirneyd sida uu hadalka u dhigay.

Maamulka soomaliland dhankooda wax jawaab ah weli kama bixin hadalka ka soo yeeray Maamulka Puntland ee ku aadan in Puntland ay xoog kusii deysay dad u xirnaa Soomaaliland.

Hoos Ka Dhageyso Codka guddoomiyaha Gobolka Sool ee Puntland.