Dekada Macmalka Ceel Macaan ee gobolka Shabeellaha Dhexe ayaa la sheegay lagu arkay Haan soo caarisay taas oo aan la ogeyn waxa ku jira balse haatan baaritaano ay ku socdaan sida ay Dalsan u xaqiijiyeen masuuliyiin ka tirsan Maamulka Hir-Shabeelle.
Haanta ayaa dadkii arkay wxa ay shaki geliyen in ay wax ku jiraan balse waxaa hadda baaritaano ku haya Masuuliyiin ka socda Hay’ad dhanka Cilmi barista ah sida uu Dalsan u sheegay Wasiir ku xigeenka Wasaaradda Dekada Gadiidka ee Maamulka Hir-Shabeelle Xuseen Tuuryare.
Wasiirka ayaa sheegay in markii ay halkaasi tageen ay arkeen Haantaas,taas oo la moodo in ay marna faaruq tahay marna ay wax ku jiraan in kastoo aan la ogeyn waxayabaha ilaa iyo hadda ku jira.
Haantaas ayaa Wasiirku sheegay in gebi ahaanba ay tahay mid daboolan,waxana uu sheegay in bulshada Ceel Macaan ay uga baqayaan in ay ku jiraan waxyaabo kiimiko ah,waxa uuna ugu baaqay in ay ka fogaadaan.
Hoos Ka Dhageyso Wareysiga oo dhameystiran oo uu kaga hadlayo arrimo dhowr ah.
